ՏԵՍԱՆՅՈՒԹ. Ադրբեջանում երեխաներին ներգրավել են Էմանուել Մակրոնի դեմ քաղաքական արշավին
Բաքուն Ֆրանսիայի նախագահ Էմանուել Մակրոնի դեմ շարունակվող արշավին ներգրավել է մի խումբ ադրբեջանցի երեխաների: Վերջիններս երկրի Հանրային հեռուստատեսությամբ երգ են կատարում, որով վիրավորում և մեղադրում են Մակրոնին «անազնվության և հայամետ լինելու մեջ», հաղորդում է EurasiaNet-ը:
Երեք րոպեանոց երգում հաղորդավար Ազիզ Ալիևը երգում է երեխաների երգչախմբի հետ։
«Նա հայամետ է»,- երգում է Ալիևը։
«Ի՞նչ կարող եք ասել այս մարդուն:
Նա մեզ սուտ խոստումներ է տալիս։
Նա պարում է Փաշինյանի հետ.
Նա այնքան նվաստացրեց իրեն։
Ասա ինձ, ո՞վ է այս մարդը»,- երգում է նա:
Այնուհետև երգչախմբի երեխաները վանկերով պատասխանում են՝ «ԷՄ-ՄԱ-ՆՈՒ-ԷԼ»:
