ՏԵՍԱՆՅՈՒԹ. Ուկրաինայի հրետակոծության հետևանքները. զոհվել է 14, վիրավորվել՝ ավելի քան 90 մարդ
Հոկտեմբերի 10-ին՝ ժամը 21:00-ի դրությամբ, հրթիռային հարվածների հետևանքով Ուկրաինայի 1307 բնակավայր հոսանքազրկված է, հայտնում է երկրի արտակարգ իրավիճակների պետական ծառայությունը, գրում է УНИАН-ը:
Հաղորդվում է, որ զոհվել է 14, վիրավորվել՝ 97 մարդ։
Հիշեցնենք, որ այսօր հրետակոծության են ենթարկվել Ուկրաինայի քաղաքները, այդ թվում՝ Կիևը, Դնեպրը, Լվովը, Օդեսան։
ՌԴ պաշտպանության նախարարությունը հայտնել է, որ հարձակումն իրականացվել է «Ուկրաինայի ռազմական հրամանատարության, կապի և էներգետիկ համակարգերի օբյեկտների վրա»։ Միայն Ուկրաինայի մայրաքաղաքում հրետակոծության հետևանքով զոհվել է առնվազն 5 մարդ, վիրավորվել՝ ավելի քան 20-ը, հայտնել են տեղական իշխանությունները:
Կիևի մետրոն դադարեցրել է աշխատանքը և օգտագործվել որպես ռմբապաստարան։
