ՏԵՍԱՆՅՈՒԹ. «Վիրավոր տղայիս տեղը գիտենք, թույլ չեն տալիս մոտենալ». զինվորի հարազատների բողոքի ակցիան` ՊՆ–ի դիմաց

 ՀՀ պաշտպանության նախարարության մոտ անհետ կորած զինվորի՝ ժամկետային զինծառայող Վահե Թորոսյանի հարազատները բողոքի ակցիա են անցկացնում:

Նրանք նշում են, որ Վահե Թորոսյանը սեպտեմբերի 13-ից չկա, հարազատները տեղը գիտեն, բայց թույլ չեն տալիս մոտենալ այդ հատվածին:

«Սեպտեմբերի 16-ից ադրբեջանական կողմը թույլ չի տալիս մտնել իրենց կողմից վերահսկվող տարածք՝ Սյունիքի Հանդ գյուղի վերեւի հատված: Երեխեն զանգել է սեպտեմբերի 15-ին, իր ընկերոջը բացատրել է, թե որ ձորակում է: Բայց մերոնք ոչ մի քայլ չեն ձեռնարկում: Մենակ աշխատում է զորամասի հրամանատարական կազմը: Մեր մարդիկ ուզում են մտնել տարածք, բայց Ադրբեջանը թույլ չի տալիս»,-ասաց հարազատներից մեկը:

Գիտենք, որ երեխեն ողջ է, մի քանի տեղից վիրավոր է, գիտեն որ մի քանի տղաների հետ անտառում են: Նշել է, որ վերջին անգամ 15-ին են խոսել: Սեպտեմբերի 14-ին, երբ զանգահարել է, ասել է` «մամ լսի, գալու եմ, գրկելու եմ քեզ ու իրար հետ ենք լինելու»: