ՏԵՍԱՆՅՈՒԹ. Ինչպես է Ղրիմի կամրջի վրա պայթած բեռնատարը հատել հայ–վրացական սահմանը. ՊԵԿ
ՀՀ պետական եկամուտների կոմիտեն տեսագրություն է հրապարակել, որում երևում է, թե ինչպես է Ղրիմի կամրջի վրա պայթած բեռնատարը հատում հայ–վրացական սահմանին գտնվող «Բագրատաշեն» անցակետը։
Պոլիէթիլենային թաղանթ տեղափոխող մեքենան մինչ այդ ներմուծման ու արտահանման զննում է անցել։
ՊԵԿ–ը երեկ հայտարարել էր, որ ՀՀ մուտքի ու ՀՀ-ից ելքի ժամանակ կատարված ռենտգեն զննությամբ բեռնատարի մեջ որևէ ռիսկային գործոն չի հայտնաբերվել: Սեպտեմբերի 27-ին` ժամը 14:53-ին, այդ ավտոմեքենան մուտք է գործել ՀՀ տարածք։ Բեռնատարի վարորդը եղել է Հայաստանի ու Վրաստանի քաղաքացի Արթուր Թերջանյանը։
