ՀԱՊԿ ուժերը Ղազախստանում առաջին անգամ կմշակեն կենսաբանական բնույթի արտակարգ իրավիճակի վերացումը

ՀԱՊԿ ուժերն առաջին անգամ կմշակեն կենսաբանական բնույթի արտակարգ իրավիճակի վերացումը Ղազախստանում ընթացող վարժանքների ժամանակ։ Այս մասին տեղեկացնում է Sputnik Ближнее зарубежье-ն՝ թելեգրամյան ալիքում:

 

Հիշեցնենք, որ Ղազախստանի պաշտպանության նախարարությունը հայտնել է, որ սեպտեմբերի 26-ից հոկտեմբերի 8-ը երկրում կանցկացվեն ՀԱՊԿ զորավարժություններ։

 

Հայաստանի պաշտպանության նախարարությունից հայտնել են, որ Հայաստանը չի մասնակցի զորավարժություններին:

 

«Հաշվի առնելով Ադրբեջանի կողմից իրականացված ագրեսիայի արդյունքում հայ-ադրբեջանական սահմանին ստեղծված իրավիճակը՝ ՀՀ պաշտպանության նախարարությունը, ՀՀ ԶՈՒ առջև դրված խնդիրներից ելնելով, որոշում է կայացրել ձեռնպահ մնալ Ղազախստանի Հանրապետությունում ՀԱՊԿ շրջանակներում անցկացվելիք զորավարժություններին ՀՀ ԶՈՒ ստորաբաժանումների մասնակցությունից»,– նշել են գերատեսչությունից:

Քաղաքականություն

Պատահարներ