ՏԵՍԱՆՅՈՒԹ․ «Նանմադոլ» թայֆունը Ճապոնիայի ափերին է
Հզոր «Նանմադոլ» թայֆունը հարվածել է Ճապոնիայի ափերին, հայտնում է NHK-ն։ Փոթորիկի պտտահողմի կենտրոնում գրանցվում է վայրկյանում մինչև 45 մետր արագություն, պոռթկումներով՝ մինչև 65։
Ճապոնացի օդերևութաբանների տվյալներով՝ «Նանմադոլ» թայֆունը հարվածել է Կագոսիմայի հարավային պրեֆեկտուրային։ Միյաձակիի պրեֆեկտուրան արտակարգ նախազգուշացում է տվել հորդառատ անձրևների համար, իսկ Կագոսիմայի պրեֆեկտուրան նաև արտակարգ նախազգուշացում է տարածել ուժեղ քամիների, բարձր ալիքների և փոթորկի համար:
Հաղորդվում է, որ այս պահի դրությամբ աղետի հետեւանքով ավելի քան 11 մարդ ստացել է տարբեր ծանրության վնասվածքներ։ Այս պահին նրանց կյանքին ու առողջությանը ոչինչ չի սպառնում։ Փորձագետների կարծիքով՝ ծովում ալիքների բարձրությունը կարող է հասնել 14 մետրի։
