ՏԵՍԱՆՅՈՒԹ․ Արևային կայանի մետաղյա մասերը բարբարոսաբար կտրատվում են և օգտագործվում որպես բեմերի հիմք և բառի ստոյկաներ

Պարիս Հերունու կողմից ավարտին չհասցված Արևային կայանի մետաղյա մասերը բարբարոսաբար կտրատվում են և օգտագործվում որպես բեմերի հիմք և բառի ստոյկաներ: Այս մասին ֆեյսբուքյան իր էջում հայտնում է Քարահունջ հայագիտական կենտրոնը և կից ներկայացնում տեսանյութ։ 

Նշենք մեկ անգամ ևս, որ ԱՐԵՎ կայանը նույնպես պատմամշակութային օբյեկտ է, և պահպանվում է պետության կողմից: Թե ինչպես է պահպանվում տեսնում ենք: Այս մասին իրազեկված են բոլոր պատկան մարմինները, բայց քար լռություն է: Արմատ ՀԿ-ն տեր ու տիրակալ է գիտական համալիրում, որը Հայաստանի համար կարող է լինել պաշտպանական օբյեկտ, ապահովելով մեր անվտանգությունը: Այստեղ վաղվանից տիրելու է քեֆ ու ուրախություն, նսեմացվելու են մեր արժեքները և քար է գցվելու մեր անվտանգության վրա: