ԱՄՆ-ում ինքնաթիռի ուղևորը մարդկային օրգան է թաքցրել ուղեբեռում

Նյու Օռլեանի միջազգային օդանավակայանի աշխատակիցները ուղևորի ուղեբեռում մարդկային պորտալար են հայտնաբերել։ Այս մասին հայտնում է  ԱՄՆ սահմանային եւ մաքսային ծառայությունը, փոխանցում է dip.org.ua-ն: 

Հոնդուրասից Spirit Airlines ավիաընկերության չվերթով թռչող տղամարդը ճամպրուկում թաքցրել է մարդու օրգան, սակայն նրան բռնել են պայուսակները զննելու ժամանակ։

Ճանապարհորդը բացատրել է, որ  դա պատկանում է իր ազգականին։ Այնուամենայնիվ, պորտալարով կապոցը մաքսային ծառայության կողմից առգրավվել է հետագա ոչնչացման նպատակով։

Հրատարակության տվյալներով՝ սա առաջին դեպքը չէ, երբ Նյու Օռլեանում ուղեւորների մոտ  մարդու պորտալար են գտնում։Եվս մի  դեպք  էլ էր տեղի  ունեցել հունիսին  Հոնդուրասի թռիչի ժամանակ։