Միջպետական մայրուղում բնականոն երթևեկությունը վերականգնվել է

Բեռնատարների վարորդների հետ մարզպետի հանդիպումից հետո միջպետական մայրուղում բնականոն երթևեկությունը վերականգնվել է։Այս մասին հայտնում են  Սյունիքի մարզպետարանից։

Հիշեցնենք, որ օրեր առաջ էլ բեռնատարների վարորդները կրկին փակել էին միջպետական ճանապարհը: Սիսիան քաղաքի բեռնատարների կշռման անցակետում վարորդները բողոքի ակցիա են իրականացրել՝ պահանջելով վերանայել Քաղաքաշինության, տեխնիկական և հրդեհային անվտանգության տեսչական մարմնի սահմանած նորմերը։