ՏԵՍԱՆՅՈՒԹ․ Ի հիշատակ զոհերի՝ քաղաքացիները ծաղիկներ են խոնարհում «Սուրմալու»-ի հարևանությամբ
«Սուրմալու» առեւտրի կենտրոնի ողբերգական պայթյունի երրորդ օրը՝ վաղ առավոտից, քաղաքացիները կենտրոնի հարեւանությամբ ծաղիկներ են խոնարհում՝ ի հիշատակ պայթյունի հետեւանքով զոհված քաղաքացիների։
«Ես զոհերից ոչ մեկին չեմ ճանաչել։ Բայց եթե իմ հարազատներից մարդ չի տուժել, չի նշանակում, որ պետք է անտարբեր լինեմ, որովհետեւ իմ ազգի ցանկացած ներկայացուցիչ՝ բացի թշնամիներից ու ազգի դավաճաններից, հարազատ են։ Բոլոր զոհերն էլ իմ հարազատներն են։ Այսպես ես իմ հարգանքի տուրքը մատուցում»,- News.am-ի հետ զրույցում ասել է ծաղիկներ խոնարհած քաղաքացիներից մեկը։
ԱԻՆ-ից նշել են, որ առեւտրի կենտրոնի հարեւանությամբ քաղաքացիները կարող են ծաղիկներ խոնարհել եւ մոմավառություն իրականացնել՝ ի հիշատակ զոհերի։
