Իրանը «ծիծաղելի ու անհիմն» է անվանել մահափորձի մասին ԱՄՆ մեղադրանքները
Իրանը «ծիծաղելի ու անհիմն» է անվանել Սպիտակ տան ազգային անվտանգության նախկին տնօրեն Ջոն Բոլթոնի և նախկին պետքարտուղար Մայք Պոմպեոյի դեմ մահափորձի մասին ԱՄՆ մեղադրանքները:
Ինչպես գրում է «Կոմերսանտը»՝ սկանդալը ծագել է այն ժամանակ, երբ Վաշինգտոնն ու Թեհրանը պետք է որոշեին՝ պատրա՞ստ են ընդունել ԵՄ առաջարկները, որոնք թույլ կտան վերադառնալ «միջուկային գործարքին»։
Հիշեցնենք, որ ԱՄՆ արդարադատության նախարարությունը մեղադրել է Իրանի Իսլամական հեղափոխության պահապանների կորպուսին Սպիտակ տան ազգային անվտանգության նախկին խորհրդական Ջոն Բոլթոնի սպանությունը կազմակերպելու փորձի մեջ։ Ամերիկյան Axios կայքի փոխանցմամբ՝ իրանցիները մահափորձ էին նախապատրաստում նաեւ ԱՄՆ նախկին պետքարտուղար Մայք Պոմպեոյի դեմ:
