Ուկրաինան թույլտվություն է ստացել հետաձգել արտաքին պարտքի վճարումները, հայտնում է Bloomberg-ը։ 

Նշվում է, որ պարտատերերը հավանություն են տվել Կիևի խնդրանքին՝ սառեցնել վճարումները մինչև 2024 թվականը՝ դեֆոլտից խուսափելու համար։

Ուկրաինայի արտաքին պարտքի չափը կազմում է 19,6 միլիարդ դոլար, վարկատուների որոշումը Կիևին թույլ կտա խնայել 5,8 միլիարդ դոլար, որը պետք է վճարվեր պարտքը սպասարկելու համար։
 

Ուկրաինայի վարկատուների միջազգային կազմի մեջ են Կանադայի, Ֆրանսիայի, Գերմանիայի, Ճապոնիայի, Մեծ Բրիտանիայի և ԱՄՆ-ի ներկայացուցիչները։ Դրանում դիտորդներ են հանդես գալիս ևս 15 պետություն։