Մեծ Բրիտանիայում անոմալ շոգի պատճառով Թեմզա գետի ակունքները ցամաքել են
Մեծ Բրիտանիայի պատմության մեջ առաջին անգամ Թեմզա գետի ակունքները ցամաքել են անոմալ շոգի և երաշտի պատճառով, գրում է բրիտանական Guardian թերթը։
«Երկար չոր եղանակից հետո Գլոսթերշիրում Թեմզայի ակունքները ցամաքել են, և թույլ առվակը այժմ հազիվ է երևում հոսանքով ավելի քան հինգ մղոն դեպի ներքև», - ասել է Rivers Trust բնապահպանական կազմակերպության հետազոտությունների տնօրեն Ռոբ Քոլինզը
Փորձագետը խոստովանել էմ որ կլիմայի փոփոխության պայմաններում երաշտի և ջրի պակասի նման ժամանակաշրջանների հաճախականությունն ու սրությունը կավելանա։
Հիշեցնենք, որ Եվրոպան պատվել էր աննորմալ շոգով։ Իսպանիայում այս պահին հրդեհներ են բռնկվում, Ֆրանսիայում հրդեհների վտանգի պատճառով արգելվել է հրավառությունը, իսկ Պորտուգալիայում արտակարգ դրություն է հայտարարվել։
