Արցախում ՀՀ քաղաքացիների կազմից ժամկետային զինծառայողների զորացրումը շարունակվում է ժամկետից 4-5 օր շուտ. ոչ պաշտոնական

Հայկական լրատվամիջոցների փոխանցմամբ՝ Արցախում նախատեսված ժամկետից 4-5 օր շուտ շարունակվում է ՀՀ քաղաքացիների կազմից ժամկետային զինծառայողների զորացրումը։ Այս մասին գրում է Bagramyan26 թելեգրամյան ալիքը:

«Փաստորեն, նրանք Հայաստանից Արցախի պաշտպանության բանակում ծառայած վերջին ժամկետային զինծառայողներն են, քանի որ նրանցից հետո Հայաստանից Արցախ նոր ժամկետային զինծառայող չի ուղարկվել»,- գրել է ալիքը։

Ավելի վաղ ժամկետից շուտ զորացրման մասին գրել էր նաև ադրբեջանագետ Գառնիկ Դավթյանը: Auroranews.am-ը այժմ փորձում է ճշտել տեղեկությունը:

ՀՀ ՊՆ մամուլի խոսնակ Արամ Թորոսյանը տեղեկության վերաբերյալ Auroranews.am-ի հարցին ի պատասխան առաջարկեց դիմել գրավոր հարցմամբ: