Ինչ ապագա է սպասվում Ուկրաինային. Մեդվեդևը քարտեզներ է հրապարակել
Ռուսաստանի Անվտանգության խորհրդի փոխնախագահ Դմիտրի Մեդվեդևը ցույց է տվել Եվրոպայի քարտեզը՝ Ուկրաինայի այն շրջաններով, որոնք «հանձնվել են այլ երկրների», գրում է Говорит Москва-ն:
«Հոգեմետ նյութերից տուժած Ուկրաինայի նախագահի ուղեղում առաջացել է իր երկրի պայծառ ապագայի հետևյալ պատկերը»,- գրել է քաղաքական գործիչը Telegram-ում այն լուսանկարի տակ, որում Ուկրաինայի տարածքի քարտեզը համընկնում է երկրի՝ մինչև 2014 թ. եղած սահմանների հետ։
«Արևմտյան վերլուծաբանները կարծում են, որ այն իրականում այսպես կլինի»,- շարունակել է Մեդվեդևը նկարի տակ, որտեղ Ուկրաինայի տարածքը նշված է միայն որպես Կիևի շրջան։ Մնացած շրջանները հատկացվել են Ռուսաստանին, Լեհաստանին, Ռումինիային և Հունգարիային։
