ԼՈՒՍԱՆԿԱՐՆԵՐ. Սոչին՝ տեղումներից հետո
Սոչիում հորդառատ տեղումները սկսել են հուլիսի 24-ի գիշերը։ Իշխանությունների տվյալներով՝ մեկ ժամում 76 մմ անձրեւ է տեղացել։ Այս մասին հայտնում է ՏԱՍՍ-ը։
Կենտրոնական թաղամասում աղետից տուժել է 16 փողոց։ Էպիկենտրոնը դարձել է Դոնսկայա միկրոշրջանը։
Անձրևի ժամանակ ջրի հոսանքը քշել է ավելի քան 50 մեքենա։
Ինչպես նշում են տեղի լրատվականները՝ մարդիկ դուրս են եկել փողոց, օգնելու մաքրել քաղաքը։ Լողափում ևս մարդաշատ է։ Քաղաքը վերադառնում է բնականոն կյանքի, թեպետ հայտարարված է արտակարգ իրավիճակ։
Հիշեցնենք, որ հաղորդվում է մահվան մեկ դեպքի մասին։
