«Եթե Պուտինը կին լիներ...»․ Ջոնսոնն ասել է՝ ինչ կլիներ այդ դեպքում
Եթե Պուտինը կին լիներ, Ուկրաինայի դեմ լայնամասշտաբ պատերազմ չէր սկսի։ Այս մասին հայտնում է RBC-Ուկրաինան՝ վկայակոչելով Մեծ Բրիտանիայի վարչապետ Բորիս Ջոնսոնի խոսքերը՝ ZDF-ին տված հարցազրույցում։
«Եթե Պուտինը կին լիներ, ես պարզապես չեմ կարծում, որ նա նման պատերազմ կսկսեր։ Եթե Ձեզ թունավոր առնականության շատ լավ օրինակ է պետք, մենք դա ունենք՝ ի դեմս նրա», - հայտարարել է Ջոնսոնը։
Նրա խոսքով ՝ որպեսզի նման բան տեղի չունենա, պետք է ավելի շատ կանայք ղեկավար պաշտոններ զբաղեցնեն։
Ռուսաստանի նախագահի մամուլի քարտուղար Դմիտրի Պեսկովը «ՌԻԱ Նովոստի»-ին տված հարցազրույցում արձագանքել է Մեծ Բրիտանիայի վարչապետի հայտարարությանը՝ ասելով, թե «Ֆրոյդն իր կենդանության օրոք կերազեր հետազոտությունների նման օբյեկտի մասին»:
