Երևանի ավագանու երկու անդամ լիազորությունները դադարեցնելու մասին դիմում են ներկայացրել
Երևանի ավագանու «Իմ քայլը» խմբակցության անդամ Գայանե Եղիազարյանը դիմում է ներկայացրել ավագանու անդամի իր լիազորությունները դադարեցնելու մասին։
Այս մասին Երևանի ավագանու նիստին հայտնեց քաղաքապետ Հրաչյա Սարգսյանը։
Երևանի ավագանու «Իմ քայլը» կուսակցությունների դաշինքի ընտրական ցուցակից ընտրված և լիազորությունները վաղաժամկետ դադարած ավագանու անդամի մանդատը տրվել է «Իմ քայլը» կուսակցությունների դաշինքի ընտրական ցուցակի հերթական հաջորդ թեկնածու Ակսել Թևոսյանին, սակայն նա ևս դիմում է ներկայացրել ավագանու անդամի լիազորությունները դադարեցնելու մասին։
