Էրդողանը Հունաստանին սպառնացել է «ողբերգական ավարտով»
Թուրքիայի նախագահ Ռեջեփ Թայիփ Էրդողանը Հունաստանին սպառնացել է «ողբերգական ավարտով»:
«Մենք ևս մեկ անգամ զգուշացնում ենք Հունաստանին խուսափել երևակայություններից, հայտարարություններից և գործողություններից, որոնց համար նա ստիպված կլինի զղջալ, ինչպես դա արեց արդեն հարյուր տարի առաջ (Խմբ.՝ խոսքը 1919-1922 թվականների երկրորդ հունա-թուրքական պատերազմի մասին է, որում Հունաստանը պարտվեց), և խորհուրդ ենք տալիս խելքի գալ»,- գրել է Թուրքիայի նախագահը:
Նա թվիթերյան իր էջում այս գրառումն արել է հունական կղզիներից մի քանի կիլոմետր հեռավորության վրա գտնվող Իզմիրի շրջանում զորավարժություններից վերադառնալուց հետո։
