Մելիտոպոլում հանրաքվե կանցկացվի Ռուսաստանին միանալու հարցով. քաղաքապետ
Մելիտոպոլի (Խմբ.՝ Ուկրաինայի Զապորոժիեի շրջան) ռազմական-քաղաքացիական վարչակազմի ղեկավար Գալինա Դանիլչենկոն հայտարարել է Ռուսաստանին միանալու վերաբերյալ հանրաքվեի նախապատրաստման մասին, փոխանցում է РИА Новости-ն։
Քաղաքապետն այս մասին հայտարարել է Ռուսաստանի Դաշնության նախագահի աշխատակազմի ղեկավարի առաջին տեղակալ Սերգեյ Կիրիենկոյի՝ քաղաք կատարած այցից հետո:
«Մենք գիտենք, որ մեր ապագան մեկն է Ռուսաստանի հետ… և մենք այժմ սկսում ենք նախապատրաստվել հանրաքվեին», - ասել է նա:
Դանիլչենկոն շնորհակալություն է հայտնել Կիրիենկոյին քաղաքի մասին բարի խոսքերի համար։
Մելիտոպոլ քաղաքը փաստացի դարձել է Զապորոժիեի շրջանի ժամանակավոր մայրաքաղաքը, հայտարարել է շրջանի ռազմաքաղաքացիական վարչակազմի գլխավոր խորհրդի անդամ Վլադիմիր Ռոգովը։
