Քանի՞ ցուցարար է բերման ենթարկվել. ոստիկանությունից հայտնում են
Երևանում իրականացվող խաղաղ անհնազանդության ակցիաների ընթացքում ոստիկանները բերման են ենթարկել 414 քաղաքացու։ Այս մասին հայտնեցին ՀՀ ոստիկանությունից։
Քաղաքացիները բերման են ենթարկվել Վարչական իրավախախտումների վերաբերյալ օրենսգրքի 182-րդ հոդվածի՝ ոստիկանների օրինական պահանջը չկատարելու հիմքով։
Հիշեցնենք, որ այսօր վաղ առավոտից Երևանում անհնազանդության ակցիաներ են իրականացվում, քաղաքացիները ցանցային պայքարի միջոցով փակում են փողոցներ՝ Երևանի կենտրոնում և վարչական տարբեր տարածքներում։
