Հնդկաստանն արգելել է ցորենի արտահանումը

Հնդկաստանն արգելել է ցորենի արտահանումը, արգելքն ուժի մեջ է մտնում անմիջապես, հայտնել է Հնդկաստանի առևտրի և արդյունաբերության նախարարությունը։ 

ՏԱՍՍ-ի փոխանցմամբ՝ այս որոշումն ընդունվել է ներքին գների աճը վերահսկելու միջոցառումների շրջանակում՝ հաշվի առնելով բազմաթիվ գործոններով պայմանավորված ցորենի համաշխարհային գների անսպասելի աճը։ 

Արտահանումը թույլատրել է այն դեպքում, որոնց համար տրամադրվել են անվերադարձ ակրեդիտիվներ (խմբ.՝ վճարային գործիք, որի դեպքում բանկը կամ ընկերությունը ստանձնում է ապրանքի կամ ծառայության դիմաց վճարելու գրավոր պարտավորություն) մինչև մայիսի 13-ը, ինչպես նաև Հնդկաստանի կառավարության թույլտվության հիման վրա՝ պարենային անվտանգության ոլորտում այլ երկրների պահանջները բավարարելու համար՝ իրենց իշխանությունների խնդրանքով: 

Մարտին Հնդկաստանը հայտարարեց, որ մտադիր է մոտ ապագայում քայլեր ձեռնարկել՝ դառնալու աշխարհում ցորենի արտահանման առաջատարը։ Այնուամենայնիվ, մի շարք պատճառներով, այդ թվում՝ այն տարածքներում, որտեղ աճեցվում է այս հացահատիկը, ուժեղ շոգի պատճառով, հանրապետությունն այժմ վախենում է ներքին շուկայում առաջանա ցորենի դեֆիցիտ։