Բայրամովը՝ Ադրբեջանի և Հայաստանի հարաբերությունների մասին

Մայիսի 13-ին Ադրբեջանի արտգործնախարար Ջեյհուն Բայրամովը ելույթ է ունեցել Դուշանբեում Անկախ Պետությունների Համագործակցության ԱԳ նախարարների խորհրդի նիստում։

Minval.az-ը հայտնում է, որ ավտորիտար երկրի նախարարը հանդիպման մասնակիցներին տեղեկացրել է նաև մեր տարածաշրջանում տիրող հետկոնֆլիկտային իրավիճակի մասին՝ նշելով, որ հակամարտությունն անցյալում է, և այժմ մեր հիմնական խնդիրն է վերականգնել ազատագրված (օկուպացված հայկական) տարածքները, ապահովել երկարաժամկետ խաղաղություն և կայունություն՝ վերականգնելով տնտեսական և հաղորդակցական կապերը։

Ըստ Բայրամովի՝ Ադրբեջանը պատրաստ է կարգավորել հարաբերությունները Հայաստանի հետ՝ ներառյալ խաղաղության պայմանագրի ստորագրումը և սահմանների սահմանազատման գործընթացի մեկնարկը։ Այս առումով քայլեր են ձեռնարկվել խաղաղ համաձայնագրի բանակցային գործընթաց սկսելու ուղղությամբ՝ ներառյալ երկու երկրների միջև սահմանների սահմանազատման ազգային հանձնաժողովների նախագահների և ձևաչափի որոշումը։