13 ցուցարար է բերման ենթարկվել․ ոստիկանություն

Ինչպես արդեն հայտնել էինք Երևանում շարունակվում են ընդդիմության անհնազանդության ակցիաները։ ՀՀ ոստիկանությունից Auroranews-ին հայտնեցին, որ ժամը՝ 10։30-ի դրությամբ, բերման ենթարկված քաղաքացիների թիվը 13-ն է։

Հիշեցնենք, որ քաղաքացիները բերման են ենթարկվել վարչական իրավախախտումների վերաբերյալ օրենսգրքի 182 հոդվածով նախատեսված արարքի համար։ 182-րդ հոդվածը սահմանում է՝ ոստիկանության ծառայողի օրինական պահանջը չկատարելը։