Բայդենը՝ խոսելով Պուտինի մասին, պատահաբար բացահայտել է Սպիտակ տան ծրագրերը․ Գաբարդ
Սպիտակ տունը ստում է ամերիկացիներին Ջո Բայդենի վարչակազմի նպատակների հարցում, Fox News-ի եթերում ասել է ԱՄՆ նախագահի նախկին թեկնածու և Հավայան կղզիների Ներկայացուցիչների պալատի նախկին անդամ Թուլսի Գաբարդը, փոխանցում է Ռիա Նովոստին։
Նրա կարծիքով, Վլադիմիր Պուտինի մասին Բայդենի կտրուկ հայտարարությունը, որը արվել է Լեհաստանում ելույթի ժամանակ, վերապահում չէր։
«Նախագահ Բայդենը պարզապես բարձրաձայն հայտարարել է իր վարչակազմի նպատակները՝ Ռուսաստանում իշխանություն փոխելը, Պուտինին իշխանությունից հեռացնելը, նրանք իրենց նպատակն են իրականացնում՝ օգտագործելով տնտեսական պատերազմի հիմնական միջոցները՝ իրականացնելով Ռուսաստանի ժամանակակից պաշարումը, մեկուսացումը, զսպումը։ Նպատակն է վնասել ռուս բնակչությանը, հուսալով, որ Ռուսաստանի քաղաքացիները կամ զինվորականները ոտքի կկանգնեն և կտապալեն իրենց կառավարությունը և կազատվեն Պուտինից»,- ասել է Գաբարդը։
Քաղաքական գործիչն ընդգծել է, որ ԱՄՆ-ի բնակիչները հոգնել են Սպիտակ տան միջամտությունից այն պետությունների գործերին, որոնք գտնվում են ամերիկյան շահերի գոտում։
«Նրանք գիտեն, որ մենք արդեն չափազանց հոգնել ենք այն փաստից, որ մեր երկիրը անընդհատ փորձում է իշխանություն փոխել այլ երկրներում: Մենք հիշում ենք, թե որքան կործանարար և թանկ էին պատերազմները Իրաքում, Լիբիայում, Սիրիայում և այլ երկրներում: Մենք բացարձակապես չենք ընդունում դրանք, հետևաբար, եթե նրանք ողջ ճշմարտությունն ասեն, նրանց վարկանիշն ավելի շատ կնվազի, քան հիմա, և նրանց քաղաքականությունը կտուժի»,- ասել է նա։
