Թուրքական լիրան շարունակում է արժեզրկվել
Թուրքական լիրան արժեզրկվում է իններորդ օրը շարունակ այն բանից հետո, երբ պաշտոնական ցուցանիշները գրանցել են, որ Ուկրաինայում պատերազմը սպառնում է խորացնել ֆինանսական ճնշումը երկրի փխրուն տնտեսության վրա: Լիրան հասել է 1 դոլարի նկատմամբ 14,995-ի: Այս տարի թուրքական արժույթն անկել է 12 տոկոսով՝ մինչեւ 2021թ. գրանցվել էր շուրջ 44 տոկոսի անկում: Էրդողանը կարգադրել է կենտրոնական բանկին նվազեցնել տոկոսադրույքները՝ հասնելով մինչեւ 14 տոկոսի տնտեսական աճը խթանելու համար անգամ արագացված ինֆլյացիայի պայմաններում:
Ինֆլյացիան փետրվարին հասել է 54,4 տոկոսի, ինչն ամենաբարձր ցուցանիշն է նաեւ ձեւավորվող շուկայով երկրներում: Էրդողանը բացառել է դրույքաչափերի բարձրացումը գների թանկացումը դանդաղեցնելու համար, որը, որոշ տնտեսագետների կարծիքով, կարող է արագանալ՝ հասնելով 70 տոկոսի առաջիկա ամիսների ընթացքում: Ուկրաինական հակամարտությամբ պայմանավորված՝ էներգակիրների եւ ապրանքների գների կտրուկ թանկացումը խորացրել է երկրում ինֆլյացիոն ճնշումը, որը ներկրում է սպառվող գրեթե ամբողջ էներգիան: Էներգակիրների գների կտրուկը բարձրացումը նաեւ մեծացրել է առեւտրային դեֆիցիտը:
«Դրույքաչափերը պետք է լինեն ավելի բարձր, լիրան՝ ցածր, հակառակ դեպքում Էրդողանը ստիպված կլինի «զանգել ընկերոջը», որպեսզի մի քանի դոլար ստանա պահուստները մեծացնելու համար»,-ասել է Լոնդոնում BlueBay Asset Management-ի զարգացող շուկաների գծով ավագ մասնագետ Թիմ Էշը: Ուկրաինայում պատերազմը սպառնում է ձախողել Էրդողանի տնտեսական ծրագիրը, որն ուղղված է ընթացիկ գործողությունների հաշվի դրական փոփոխություններ գրանցելուն եւ ցածր տոկոսադրույքների ապահովմանը արտադրությունը, արտահանումն ու տնտեսական աճը խթանելու համար: Հունվարին արդյունաբերական արտադրության տարեկան ծավալը նվազել է՝ հասնելով 7,6 տոկոսի, մինչդեռ դեկտեմբերին 14,4 տոկոսի մակարդակում էր: Գնաճն ու ցածր դրամավարկային քաղաքականությունը նույնպես կտրուկ վատթարացնում են երկրում ինֆլյացիայի կանխատեսումը: Ակնկալվում է, որ տարեկան ինֆլյացիան կդանդաղի մինչեւ 41,1 տոկոսով տարեվերջում: Լիրան հասել է ռեկորդային ցածր մակարդակի դեկտեմբերի վերջում՝ մեկ դոլարի դիմաց 18,37, ինչը դրդել է Էրդողանին դեկտեմբերի 20-ին հայտարարել լիրայով որոշ դեպոզիտներ դոլարին կցելու սխեմայի մասին:
