Turkish Airlines ավիաընկերությունը փոխել է ռուսաստանցիների համար տոմսեր գնելու կանոնները։ Այս մասին հայտնում է Ռուսաստանի տուրօպերատորների ասոցիացիան (АТОР), գրում է Lenta.ru-ն:
 

Այս որոշման պատճառ է դարձել ռուսական Visa և Mastercard քարտերի արգելափակումը, ինչը հանգեցրել է վճարումների հետ կապված խնդիրների։ Այժմ ռուսաստանցիները կարող են տոմսեր գնել ցանկացած երթուղու համար, բայց դրանք պետք է անպայման սկսվեն կամ ավարտվեն Ռուսաստանում։ Բացի այդ, տոմսը պետք է լինի նույնը ճանապարհորդության բոլոր հատվածների համար:
 

АТОР-ը պարզաբանել է, որ ռուսները չեն կարողանա առանձին տոմս գնել այս ավիաընկերության՝ Թուրքիայից մեկ այլ երկիր, օրինակ՝ ԱՄՆ կամ Իսպանիա թռիչքի համար։ «Այսինքն՝ Turkish Airlines -ին Ռուսաստան-Թուրքիա ուրվագծից դուրս այլևս հնարավոր չի լինի թռչել»,- ասվում է հաղորդագրության մեջ։