Ուկրաինայի արտգործնախարարն առաջարկել է երկրում ՄԱԿ-ի խաղաղապահներ տեղակայել

Կիևը ՄԱԿ-ին հիշեցրել է, որ դեռ 2015 թվականին խնդրել է երկրում խաղաղապահ գործողություն սկսել: Այս մասին հայտնում է Gazeta.ru -ն՝ հղում տալով երկրի ԱԳՆ ղեկավար Դմիտրի Կուլեբային:

Նրա խոսքով՝ ՄԱԿ-ը պետք է դիտարկի իրենց ողջ գործիքակազմը, որոնք չեն պահանջում Անվտանգության խորհրդի հաստատումը։
 

Ավելի վաղ Ուկրաինայի նախկին նախագահ Պյոտր Պորոշենկոն Կիևի իշխանություններին առաջարկել էր Ռուսաստան-ԱՄՆ հնարավոր գագաթնաժողովի օրակարգում ներառել Դոնբաս ՄԱԿ-ի (ՄԱԿ) խաղաղապահ զորախումբ ուղարկելու հարցը։ Նրա խոսքով՝ ինքը մտադիր է ամերիկա-ռուսական բանակցությունների վերաբերյալ մանրամասն առաջարկներ փոխանցել Ուկրաինայի նախագահ Վլադիմիր Զելենսկիին։

Մինչ այդ ՀԱՊԿ գլխավոր քարտուղար Ստանիսլավ Զասը հայտարարել էր, որ Հավաքական անվտանգության պայմանագրի կազմակերպությունը (ՀԱՊԿ) կարող է խաղաղապահներ ուղարկել Դոնբաս։ Նրա խոսքով՝ խաղաղապահներ ուղարկելու համար կպահանջվի Կիեւի համաձայնությունը։