Լոնդոնը պատրաստ է ընդունել ՉԼ եզրափակիչը Սանկտ Պետերբուրգի փոխարեն
Լոնդոնի քաղաքապետ Սադիկ Խանը հայտարարել է, թե քաղաքը պատրաստ է ընդունել Չեմպիոնների լիգայի 2021/2022 մրցաշրջանի եզրափակիչը, եթե ՈւԵՖԱ-ն որոշի խաղը տեղափոխել Սանկտ Պետերբուրգից։ Մայիսի 28-ին «Գազպրոմ Արենայում» պետք է անցկացվի Եվրոպայի ամենահեղինակավոր ակումբային մրցաշարի վճռորոշ հանդիպումը։
«Լոնդոնը պատրաստ է ընդունել Չեմպիոնների լիգայի եզրափակիչը. Չեմպիոնների լիգայի եզրափակիչ հանդիպման անցկացումը արտոնություն է»,- ասել է նա:
Ավելի վաղ բրիտանական մի քանի լրատվամիջոցներ տեղեկություն էին հրապարակել, թե Ռուսաստանը կարող է զրկվել Չեմպիոնների լիգայի եզրափակիչն անցկացնելու իրավունքից։ Իսկ Մեծ Բրիտանիայի վարչապետ Բորիս Ջոնսոնը հայտարարել էր, թե Ռուսաստանում ֆուտբոլային մրցաշարեր անցկացնելն անհնար է։
