«Օմիկրոնով» վարակված 67 երեխա հոսպիտալացված է, նրանցից 5-ը՝ վերակենդանացման բաժանմունքում. Ավանեսյան

«Օմիկրոնով» վարակվածության ցուցանիշը մեծ է երեխաների շրջանում: Sputnik Արմենիայի հետ զրույցում տեղեկությունը  հայտնեց ՀՀ առողջապահության նախարար Անահիտ Ավանեսյանը։ 

Նա նշել է, որ այս պահին 5 երեխա բուժում են ստանում վերակենդանացման բաժանմունքում:
 

«Այս տարի նման իրավիճակ ունեինք` մի կողմից սուր շնչառական վարակների աճ էր նկատվում, մյուս կողմից էլ կորոնավիրուսի ալիքն էր։ Բացի այդ, «Օմիկրոնով» վարակվածների միջին տարիքը նվազել է, և երեխաներն այս շտամով ավելի հաճախ են վարակվում»,–ասաց Ավանեսյանը։
 

Նրա խոսքով` այս պահին «Օմիկրոնով» վարակված 67 երեխա է հոսպիտալացված, հայաստանյան մանկական բժշկական կենտրոններն ինտենսիվ ռեժիմով են աշխատում։ Ըստ առողջապահության նախարարի` մահճակալային կարողությունները բավարարում են քաղաքացիներին սպասարկելուն։