Մեզ չեն կարող բավարարել այն հարաբերությունները, որոնք վերջին տարիներին ամենացածր մակարդակի վրա են․ Լավրով

Մոսկվայի եւ Լոնդոնի հարաբերությունները կարելի է կայունացնել միայն իրավահավասար երկխոսության միջոցով։ Այս մասին հայտարարել Է Ռուսաստանի ԱԳ նախարար Սերգեյ Լավրովը բրիտանացի գործընկեր Լիզ Տրասի հետ հանդիպման ժամանակ, փոխանցում է Ռիա Նովոստին։ 
Միացյալ Թագավորության արտաքին գործերի նախարար, ինչպես նաև Մեծ Բրիտանիայի պաշտպանության նախարար Բեն Ուոլեսը ժամանել են Ռուսաստան ՝ քննարկելու ուկրաինական հարցը։

«Իհարկե, հարաբերությունները կարելի է կարգավորել՝ բացառապես երկխոսության միջոցով, որը հիմնված է միմյանց օրինական շահերի ճանաչման եւ երկուստեք ընդունելի լուծումների որոնման վրա»-, ասել Է Լավրովը՝ բանակցությունների մեկնարկից առաջ:

«Եթե այցը միտված է ճգնաժամի հաղթահարմանը, ապա Մոսկվան կպատասխանի փոխադարձությամբ»,-հավելել է Լավրովը:

«Մեզ չեն կարող բավարարել այն հարաբերությունները, որոնք վերջին տարիներին ամենացածր մակարդակի վրա են գտնվում»,- նշել է Լավրովը:

Նա հույս է հայտնել, որ կողմերը կվերականգնեն երկկողմ համագործակցության մեխանիզմները։ 

Ճեպազրույցից հետո լրագրողները լքել են դահլիճը, հանդիպումը շարունակվել է փակ դռների ետևում: