«Քիչ է մնացել, շուտով օմիկրոնը կնահանջի». վիրուսաբանը բացատրում է
Շատ ժամանակ չի մնացել: Մի քանի շաբաթից կորոնավիրուսի օմիկրոնի ալիքը կնահանջի: Այս մասին գրում է НТВ-ն` հղում անելով վիրուսաբան Պյոտր Չումակովին:
«Օմիկրոնը ավելի սուր է, այսինքն՝ արագ է զարգանում և նույնքան արագ` նահանջում։ Այս եզրակացությունը կարելի է անել ելնելով այն բանից, թե ինչպիսին է ընթացել դեպքերի կորը ԱՄՆ-ում, Մեծ Բրիտանիայում, Եվրոպայում։ Ռուսաստանում ալիքը կսկսի իջնել փետրվարի երկրորդ կեսին», - ասել է Ռուսաստանի գիտությունների ակադեմիայի վիրուսաբան Պյոտր Չումակովը:
Փորձագետի կարծիքով, օմիկրոնի բարձր վարակիչ լինելը ի վերջո կխաղա իր իսկ դեմ. շատ արագ տարածումը կհանգեցնի իմունային շերտի արագ ձևավորմանը, որն անհրաժեշտ է հիվանդացությունը նվազեցնելու համար:
