Ռուսաստանը կրճատել է COVID19-ով հիվանդների հետ շփվածների մեկուսացման ժամկետը

 Ռուսաստանում կորոնավիրուսային վարակով հիվանդների հետ շփված անձանց մեկուսացման ժամկետը 14-ից կրճատվել է մինչև 7 օր, հայտնում է Ռոսպոտրեբնադզորի մամուլի ծառայությունը։ Այս մասին հայտնում է РИА Новости-ն:

«Հաստատվել են կորոնավիրուսային վարակի կանխարգելման սանիտարական կանոնների նոր փոփոխությունները, որոնց համաձայն՝ COVID-19-ով հիվանդի հետ շփված անձանց մեկուսացման ժամկետը 14-ից կրճատվում է մինչև 7 օր»,- ասվում է հաղորդագրության մեջ։

Ավելի վաղ Ռոսպոտրեբնադզորի ղեկավար Աննա Պոպովան հայտնել էր, որ «օմիկրոնով» վարակվածների ինկուբացիոն շրջանը 2-ից 5 օր է։