ՏԵՍԱՆՅՈՒԹ․ Ալեքսանյանը մարմնավաճառ ձևակերպումը տվել էր Ալեն Սիմոնյանի հասցեին. հիմա դիմում է՝ մեծարգո ԱԺ նախագահ. Խամոյան
Ձեր քաղաքական ուժի ղեկավարն էլ լրագրող է, նախկին խմբագիր, տարիներ շարունակ մեր ոլորտում է եղել, իսկ ձեր թիմակիցը երեկ լրագրողական համույթի մի հատվածին անվանեց «վերբալ մարմնավաճառներ» և տվեց բարոյական դասեր: Այս մասին ԱԺ-ում ասաց «Հայաստան» խմբակցության պատգամավոր Ագնեսա Խամոյանը՝ անդրադառնալով նախօրեին ԱԺ ամբիոնից ՔՊ-ական պատգամավոր Վահագն Ալեքսանյանի հայտարարությանը.
«Մարդ, որը տարիներ առաջ ղեկավարում էր կուսակցությունների մեկի ֆեյք ֆաբրիկան, մարմնավաճառ ձևակերպումը տվել էր Ալեն Սիմոնյանի հասցեին: Մարդ, որն իր այդ որակումից հետո գալիս այս ամբիոնից և Ալեն Սիմոնյանին ասում է՝ մեծարգո ԱԺ նախագահ, հիմա բարոյականությունից է խոսում»,-ասաց Խամոյանը և հետաքրքրվեց՝ արդյո՞ք Վահագն Ալեքսանյանը դրա համար ներողություն խնդրել է Ալեն Սիմոնյանից:
Ագնեսա Խամոյանը նաև նշեց, որ ՔՊ-ական լրագրող պատգամավորներից որևէ մեկը չքննադատեց իրենց գործընկերոջ հայտարարությանը:
