Հասարակություն

Կարանտինային նոր կանոններ՝ Գերմանիայում

Կարանտինային նոր կանոններ՝ Գերմանիայում
Բունդեսթագը հաստատել է նոր կարանտինային կանոններ կորոնավիրուսով վարակվածների և կոնտակտային անձանց համար։ Գերմանիայի խորհրդարանում քվեարկությունը տեղի է ունեցել ուրբաթ։ Նրանք, ովքեր շփվել են…

Բունդեսթագը հաստատել է նոր կարանտինային կանոններ կորոնավիրուսով վարակվածների և կոնտակտային անձանց համար։ Գերմանիայի խորհրդարանում քվեարկությունը տեղի է ունեցել ուրբաթ։ Նրանք, ովքեր շփվել են կորոնավիրուսով վարակվածների հետ, ազատվում են պարտադիր մեկուսացումից, եթե ստացել են խթանիչ պատվաստում։ Բացի այդ, վարակվելու դեպքում կարանտինի տևողությունը կրճատվում է. դա արվում է վարակվածների թվի կտրուկ աճի պայմաններում մի շարք ոլորտներում կադրերի պակասը կանխելու համար։ Այժմ հնարավոր կլինի մեկուսացումից դուրս գալ յոթ օր հետո, եթե PCR թեստի կամ արագ թեստի բացասական արդյունքներ լինեն։

 

Գերմանիայի առողջապահության նախարար Կառլ Լաուտերբախը Բունդեսրաթի արտահերթ նիստում, նշել է, որ համաճարակը հասել է «շրջադարձային կետի»։ Նրա խոսքով՝ հարցն այն է, թե հնարավոր կլինի իրավիճակից գլուխ հանել այնպես, որ համաճարակի դրսևորումները հետագայում կրճատվեն:

 

«Մենք պետք է օգտվենք այս հնարավորությունից, և ունենք դրա համար միջոցներ: Մենք միջոցներ ունենք այս տարի Գերմանիայում վերջ դնելու համաճարակին», - ասաց Լաուտերբախը՝ նկատի ունենալով բնակչության ակտիվ պատվաստումը:


 

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7318) Միջազգային (3209) ԱՄՆ (2276) Ռուսաստան (2075) Իրան (1731) Ընտրություններ (1270) Ուկրաինա (817) Երևան (794) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (434) Թրամփ (427) Ազգային ժողով (396)

Radio Aurora

Լսել Radio Aurora

Գովազդային տարածք

300x250