«Որևէ փաստաթղթի ընդունում ներկայումս չի նախատեսվում»․ Պեսկով
ՀԱՊԿ Հավաքական անվտանգության խորհրդի՝ հունվարի 10-ին նախատեսված արտահերթ նիստի արդյունքներով որևէ փաստաթղթի ընդունում ներկայումս չի նախատեսվում։ Այս մասին ՌԻԱ Նովոստի-ին հայտնել է ՌԴ նախագահի մամուլի քարտուղար Դմիտրի Պեսկովը։
«Դեռ ոչ»,- ասել է նա՝ պատասխանելով գործակալության համապատասխան հարցին։
Հիշեցնենք՝ Հավաքական անվտանգության պայմանագրի կազմակերպության (ՀԱՊԿ) երկրների ղեկավարների նիստը նախատեսված է երկուշաբթի օրը՝ հունվարի 10-ին: Օրակարգում մեկ հարց է՝ «Ղազախստանի Հանրապետությունում իրավիճակի և դրա կարգավորմանն ուղղված միջոցառումների մասին»։ Հանդիպումը կանցկացվի տեսակոնֆերանսի ձևաչափով՝ Հայաստանի նախագահությամբ։
