«Մենք իրավունք չունենք պարտվելու»․ Շոյգուն՝ տեղեկատվական պատերազմի մասին
ՌԴ պաշտպանության նախարար Սերգեյ Շոյգուն «Զվեզդա» հեռուստաալիքի եթերում խոսել է տեղեկատվական օրակարգի կարևորության մասին։
Նրա խոսքով՝ այսօր աշխարհում դաժան առճակատում է այս ոլորտում։
«Այսօր դա միայն տեղեկատվության այս կամ այն ձևով ներկայացնելը չէ, սա մեծ, ես այս բառից չեմ վախենում, պատերազմ է, տեղեկատվական պատերազմ, որը ընթանում է բոլոր ճակատներով, և մենք իրավունք չունենք պարտվելու այս պատերազմում»,- ասել է նախարարը։
Շոյգուն ասել է, որ Ռուսաստանի զինված ուժերն ամենաժամանակակից և մարտունակներից մեկն են աշխարհում։ Նա նշել է, որ իրենք հուսալիորեն ապահովում են երկրի անվտանգությունը և պաշտպանում նրա շահերը։ Նախարարը բարձր է գնահատել նաև յուրաքանչյուր զինվորականի ներդրումը ռուսական բանակի հեղինակության ամրապնդման գործում։
