«Միացյալ Նահանգների հետ կանցկացնենք բանակցությունների մեծ փուլ». Լավրով

Ռուսաստանի եւ ԱՄՆ-ի միջեւ անվտանգության երաշխիքների շուրջ բանակցությունների հիմնական փուլը տեղի կունենա ամանորյա տոներից անմիջապես հետո։ Այս մասին երկուշաբթի օրը հայտարարել է ՌԴ ԱԳ նախարար Սերգեյ Լավրովը՝ «Soloviev Live» յութուբյան ալիքին Վլադիմիր Սոլովյովին տված բացառիկ հարցազրույցում։

\n\n«Միացյալ Նահանգների հետ մենք կանցկացնենք անվտանգության բանակցությունների մեծ փուլ, որը տեղի կունենա ամանորյա տոների ավարտից անմիջապես հետո», - ասել է նա։\n\nՆախարարը հավելել է, որ Մոսկվայի համար կարևոր է բանակցությունների ժամկետը՝ նշելով, որ դրանք չեն կարող ձգձգվել, չնայած այն հանգամանքին, որ Ռուսաստանի Դաշնությունը վերջնագրեր չի ներկայացնում:

\n\n\nԼավրովն ընդգծել է նաեւ, որ Վաշինգտոնը հանդիսանում է Ռուսաստանի հետ անվտանգության երաշխիքների հիմնական բանակցողը:

Հիշեցնենք` դեկտեմբերի 17-ին ՌԴ արտաքին գործերի նախարարությունը հրապարակեց ԱՄՆ-ի հետ անվտանգության երաշխիքների և Ռուսաստանի Դաշնության և Հյուսիսատլանտյան դաշինքի անդամ երկրների անվտանգության միջոցառումների մասին համաձայնագրի նախագիծը։