«Իրականում մենք չենք վերահսկում շատ ավելի մեծ տարածքներ». Ռոբերտ Քոչարյանի ասուլիսը` ուղիղ

 ՀՀ-ի համար այս տարին գնահատում եմ որպես կատարյալ ձախողում։ Տարեվերջյան մամուլի ասուլիսի ժամանակ ասաց ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանը՝ հավելելով, որ ոչ մի հարց այս տարվա ընթացքում չի բարելավվել։

Երկրորդ նախագահը նշեց, որ իշխանությունները խոսում են 40 ք/մ տարածքի մասին, որը թշնամու վերահսկողության տակ է, բայց Ռոբերտ Քոչարյանի խոսքով իրականում մենք չենք վերահսկում շատ ավելի մեծ տարածքներ։

«GPS-ով սահմանագծումը բերեց նրան, որ ադրբեջանական զորքերը դիրքավորվել են ենթադրյալ իրենց սահմանի բերանով։ Մենք ստիպված ենք եղել առնվազն հետ քաշվել 500 մետրից մինչև 1-1․5 կմ, որոշ տեղերում մի քիչ ավելի շատ։ Նույնը կատարվել է Վարդենիսի հատվածում, նաև Նախիջևանի հատվածում։ Ամբողջ այդ տարածքը՝ իրենց դիրքերից մինչև մեր դիրքեր, մեր կողմից չեն վերահսկվում։ Ստացվում է՝ մենք կորցրել ենք վերահսկողությունը ոչ միայն այդ 40ք/մ տարածքի նկատմամբ, այլ տասնապատիկ ավելի մեծ տարածքների նկատմամբ»,-ասաց Ռոբերտ Քոչարյանը։

Վերջինս հավելեց, որ այս տարի կորցրել ենք կարևորագույն ճանապարհների օգտագործման հնարավորությունը։ Նա նշեց, որ տարվա ընթացքում ոչինչ չի արվել բանակի մարտունակությունը բարձրացնելու համար։

«2-3 դիրքի համար մարտական գործողությունների ժամանակ 30-ից ավելի գերի ունենալը խոսում է բանակում լրջագույն խնդիրների մասին։ Այդպես չի լինում»,-ասաց Ռոբերտ Քոչարյանը։