Դժվարությունները Կիևի հետ չեն, այլ Ամերիկայի, Մոսկվայի և ՆԱՏՕ-ի. ըստ Պեսկովի` ինչ կարող է անել Թուրքիան
ԱՄՆ-ն կարող է Անկարայի հետ խորհրդակցել Ուկրաինայում իրավիճակի կարգավորման շուրջ, քանի որ Թուրքիան ՆԱՏՕ-ի երկիր է և ամերիկացիների դաշնակիցը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն:
«Դժվարությունները Մոսկվայի և Կիևի միջև չեն, դժվարություններ կան Ամերիկայի, Մոսկվայի և ՆԱՏՕ-ի միջև։ Իսկ Թուրքիան այս դեպքում ՆԱՏՕ-ի երկիր է։ Ամենայն հավանականությամբ, ամերիկացիները կխորհրդակցեն նաև Թուրքիայի հետ։ Չէ որ դրանք Միացյալ Նահանգների դաշնակիցն են»,- ասել է Պեսկովը։
