Ռուսաստանում 18-ամյա երիտասարդը ռումբ է պայթեցրել վանքի տարածքում, որի արդյունքում մահացել է
Ռուսաստանի Սերպուխով քաղաքում 18-ամյա Վլադիսլավ Ստրուժենկովը ռումբ է պայթեցրել վանքի տարածքում։ Երիտասարդը ստացած վնասվածքներից մահացել է։ Նա եղել է վանքի ծխական դպրոցի աշակերտ և բողոքել է բուլլինգի ենթարկվելուց (ֆիզիկական կամ հոգեբանական ճնշում)։
Այս մասին հայտնում են «Ինտերֆաքս»-ը և «ՏԱՍՍ»-ը՝ հղում անելով իրենց աղբյուրներին։
\n
\n
«Նախնական տվյալներով՝ հանցագործության դրդապատճառ է հանդիսացել կասկածյալի ատելությունը դպրոցի ուսուցիչների և միանձնուհիների նկատմամբ՝ անձնական թշնամական հարաբերությունների ֆոնին», - ասել է աղբյուրը՝ հավելելով, որ հարձակվողը բռնության է ենթարկվել ուսման ընթացքում։\n
\n
Պայթյունի հետևանքով տուժել է նաև 15-ամյա դեռահաս, ով հոսպիտալացվել է Լյուբերցի այրվածքների կենտրոն։
Եվս վեց անչափահաս վիրավորվել են, սակայն նրանց հոսպիտալացման կարիք չի եղել։
Դեպքի վայր են մեկնել Մոսկվայի մարզի դատախազը և Սերպուխովի քաղաքային դատախազի պաշտոնակատարը։
