Թուրքական լիրան կտրուկ անկումից հետո սկսել է աճ գրանցել
Դեկտեմբերի 21-ի առավոտից թուրքական լիրան շարունակում է աճել նախորդ օրը տեղի ունեցած կտրուկ անկումից հետո։
Ինչպես վկայում են առևտրի տվյալները, այս պահին թուրքական արժույթը ամրապնդվում է գրեթե 15%-ով՝ մեկ դոլարի դիմաց մինչև 11,37 լիրա։
NTV հեռուստաալիքը նշում է, որ նման դինամիկա գրանցվում է ավանդատուներին փոխարժեքի տարբերությունը փոխհատուցելու և տեղական բիզնեսին խրախուսելու իշխանությունների խոստումների ֆոնին։
Նշենք, որ անկումը տեղի էր ունեցել այն բանից հետո, երբ նոյեմբերի 18-ին Թուրքիայի կենտրոնական բանկը որոշել էր հաշվարկային դրույքը 16 տոկոսից իջեցնել մինչև 15 տոկոս, ինչից հետո երկրի նախագահ Ռեջեփ Թայիփ Էրդողանը հեռուստաուղերձում հանդես էր եկել հաշվարկային դրույքը կրճատելու օգտին՝ պնդելով, որ դա կհանգեցնի գնաճի նվազման:
