ՏԵՍԱՆՅՈՒԹ. 18 տարեկաններին մեղադրում եք վախենալու մեջ, իսկ դուք նոյեմբերի 9-ին որտե՞ղ էիք. պատգամավորը՝ Փաշինյանին

Դուք 18 տարեկաններին մեղադրում եք վախենալու, չկողմնորոշվելու մեջ և քրեական գործեր հարուցելու սպառնալիքով խոսում գերիների հետ, բա նոյեմբերի 9-ից հետո դու՞ք որտեղ էիք։ ԱԺ-ում այս մասին ասաց «Հայաստան» խմբակցության պատգամավոր Էլինար Վարդանյանը՝ դիմելով ՀՀ վարչապետ Նիկոլ Փաշինյանին։

Վարչապետն ասաց, որ ինքը նոյեմբերի 9-ից առաջ էլ, հետո էլ իր պաշտոնավարման դիրքերում է եղել և ոչ մի վայրկյան դրանից չի կտրվել։
«Էլի դեղին ժիգուլու կանխավարկածը սկսեցի՞ք, էդ որտեղ էիք։ ՀՀ-ում էի՝ իմ պարտականությունները կատարելու շրջանակում, իմ ենթակայության տակ գտնվող ինստիտուտներում էի։ Ես ում հետ կհանդիպեմ, ում հետ չեմ հանդիպի, դա իմ որոշումն է։ Իմ պարտականությունները շատ լավ գիտեմ։ Ձեր պարտականությունն էլ, ձեզ էլ շատ լավ գիտեմ»,-ասաց Նիկոլ Փաշինյանը։