Օրվա լրահոս

Քիչ առաջ հայտնի դարձավ, որ Վլադիմիր Գասպարյանի թիկնազորի պետ Արշակ Հակոբյանին մեղադրանք է առաջադրվել։ Ըստ հակակոռուպցիոն կոմիտեի՝ Առանձնապես խոշոր չափերով գույքի և եկամուտների հայտարարագրման տվյալները թաքցնելու և փողերի լվացման փաստերով ՀՀ հակակոռուպցիոն կոմիտեում քննվող քրեական գործի նախաքննության ընթացքում ձեռք է բերվել բավարար ապացույցների համակցություն, որով հիմնավորվել է, որ Արշակ Հակոբյանը, 2017 թվականի հուլիսի 1-ի դրությամբ զբաղեցնելով ՀՀ ոստիկանության համապատասխան ստորաբաժանման ղեկավարի պաշտոնը և հանդիսանալով հայտարարատու պաշտոնատար անձ, Բարձրաստիճան պաշտոնատար անձանց էթիկայի հանձնաժողով ներկայացրած հայտարարագրերում դիտավորությամբ թաքցրել է հայտարարագրման ենթակա տվյալները, որը հանգեցրել է առանձնապես խոշոր չափերով գույքի չհայտարարագրմանը, ինչպես նաև օրինականացրել է հանցավոր ճանապարհով ստացված առանձնապես խոշոր չափերով գույքը` 22.007.259 ՀՀ դրամը: 

 

ArmDaily.am-ի հետ զրույցում Հակոբյանի պաշտպան Տիգրան Աթանեսյանը ասաց, որ մեղադրանքից չի կարող մանրամասներ հայտնել, որովհետև սահմանափակված է նախաքննական գաղտնիք պահելով։

«Իմ գրառումում էլ օգտագործել եմ «ստորաբար» տերմինը, որովհետև իրենք կարող են հիմա ափռ-ցըփռ դուրս տալ, ես չեմ կարող պատասխանել, որովհետև ինչ-որ նախաքննական գաղտնիքով սահմանափակված եմ։ Բայց վստահաբար կարող եմ ասել՝ մեր ներկայացրած փաստաթղթերով մեղադրանքը, պարզապես, զրոյացվել է։ Նիկոլի հավատարիմ ծառա սասուն Խաչատրյանը որոշել է իրեն ցույց տա։ Նաև շատ հետաքրքիր է, որ այդ մեդիագրոհը սկսվել է մոտ 1 ժամ առաջ, թեպետ դեպքերը երեկվա են»,- ասաց Աթանեսյանը։

 

Նա վստահեցրեց, որ ծիծաղելի է մեղադրանքը, իսկ կոմիտեի քննիչներն էլ հիմա խուզարկություն են իրականացնում Արշակ Հակոբյանի տանը։

«Գտել են կնոջ 3 հատ մատանին»,- ասաց Աթանեսյանը։

Նա տեղեկացրեց, որ կալանավորման հարցով նիստը երեկ է սկսվել, այսօր 15։30 շարունակությունն է լինելու։


 

Վերջին նորություններ