Հայաստանն առաջին անգամ կմասնակցի ՄԱԿ-ի ԶՀԿ Գլխավոր ասամբլեայի Գործադիր խորհրդի նիստերին՝ որպես խորհրդի անդամ. նախարարություն

Իսպանիայի մայրաքաղաք Մադրիդում ընթանում է ՄԱԿ զբոսաշրջության համաշխարհային կազմակերպության Գլխավոր ասամբլեայի նիստը։ Այս մասին հայտնում է ՀՀ Էկոնոմիկայի նախարարությունը:

Առաջին անգամ Հայաստանը մասնակցելու է Մադրիդում կայանալիք Գլխավոր ասամբլեայի Գործադիր խորհրդի նիստերին՝ որպես խորհրդի անդամ։ 
Երկրի մասնակցությունը նման համաշխարհային նշանակության զբոսաշրջային իրադարձությանը չափազանց կարևոր է։ 

Այն կնպաստի ՄԱԿ ԶՀԿ հետ համագործակցության ընդլայնմանը, անդամ պետությունների հետ նոր պայմանավորվածությունների ձեռքբերմանը, համաշխարհային զբոսաշրջային շուկայում Հայաստանի դիրքի բարելավմանն ու ճանաչելիության բարձրացմանը։