Ի՞նչ է ակնկալում ՌԴ-ն Սոչիի եռակողմ հանդիպումից․ Անդրեյ Ռուդենկոն մանրամասնում է

Ռուսական կողմը հույս ունի, որ ՌԴ, Ադրբեջանի և Հայաստանի առաջնորդների Սոչիում կայանալիք հանդիպմանը կհաջողվի ուրվագծել Բաքվի և Երևանի հարաբերությունների կարգավորման հեռանկարային ուղղությունները։ Այս մասին ՏԱՍՍ–ին այսօր հայտարարել է ՌԴ ԱԳ փոխնախարար Անդրեյ Ռուդենկոն։

«Մենք, ինչպես և բոլոր մարդիկ, որոնք ապրում են այդ երկու երկրներում, Ռուսաստանում, Հարավային Կովկասի տարածաշրջանում, ակնկալում ենք, որ հնարավորինս շուտ տարածաշրջանում երկար սպասված խաղաղություն ու կայունություն հաստատվի», – նշել է նա։

 

«Հանդիպումն ընդհանուր առմամբ միտված է նախորդ տարվա նոյեմբերի 9-ի հրադադարի եռակողմ համաձայնագրի ստորագրումից հետո որոշակի արդյունքների ամփոփմանը, պետք է տեսնել, ինչ է արված և ինչ կարելի է անել հետագայում խաղաղ գործընթացն առաջ տանելու համար, ինչպես խթանել երկրների միջև հարաբերությունների կարգավորման գործընթացն ընդհանուր առմամբ։

Հույս ունենք, որ այս հանդիպման ժամանակ համաձայնագիրը ստորագրած երեք երկրների առաջնորդները կնշեն հեռանկարային այս ուղղությունները», – ասել է Ռուդենկոն` պատասխանելով այն հարցին, թե ինչ է ակնկալում Մոսկվան Սոչիում կայանալիք ՌԴ, Ադրբեջանի և ՀՀ առաջնորդներ Վլադիմիր Պուտինի, Իլհամ Ալիևի և Նիկոլ Փաշինյանի հանդիպումից։

Քաղաքականություն