Արարատ Միրզոյանն ու Լավրովը հեռախոսազրույց են ունեցել
Նոյեմբերի 8-ին ՌԴ արտգործնախարար Սերգեյ Լավրովը և ՀՀ արտգործնախարար Արարատ Միրզոյանը հեռախոսազրույց են ունեցել: Այս մասին տեղեկացրին ՌԴ ԱԳՆ-ից։
Նախարարները շարունակել են կարծիքների փոխանակումը 2020թ. նոյեմբերի 9-ին Ադրբեջանի, Հայաստանի և Ռուսաստանի նախագահների եռակողմ հայտարարության ընդունման 1 տարվա նախաշեմին:
«Արտաքին քաղաքական գերատեսչությունների ղեկավարներն անդրադարձել են նաև ռուս-հայկական դաշնակցային փոխգործակցության արդիական հարցերին, տարածաշրջանային և միջազգային խնդիրների առանձին ասպեկտներին»,- ասված է ՌԴ ԱԳՆ-ի տարածած հաղորդագրության մեջ:
