Բայդենի խոսնակը վարակվել է կորոնավիրուսով. Սպիտակ տունը` նախագահի հնարավոր վարակման մասին
Սպիտակ տունը տեղեկացնում է, որ ԱՄՆ նախագահ Ջոզեֆ Բայդենի խոսնակ Ջեն Պսակին վարակվել է կորոնավիրուսով։ Հաղորդման մեջ նաեւ նշվում է, որ Պսակին նախագահ Բայդենի եւ Սպիտակ տան աշխատակազմի անդամների հետ շփումներ չի ունեցել։
Նա հոկտեմբերի 27-ից գտնվում է ինքնամեկուսացման ռեժիմում, քանի որ իր ընտանիքի անդամներից մեկի մոտ հաստատվել է կորոնավիրուսային հիվանդություն։
Հայտնի է նաեւ, որ Սպիտակ տան խոսնակի մոտ կորոնավիրուսային սուր ախտանշաններ չկան և նա շարունակում է աշխատել տանից։
