Թուրքիայում ազատ են արձակվել անտառ հրկիզելու մեջ մեղադրվող 7 ռուսաստանցիները

Անթալիայի դատարանը կալանքից ազատ է արձակել Ռուսաստանի 7 քաղաքացու, որոնք ավելի վաղ ձերբակալվել էին անտառը հրկիզելու մեղադրանքով: Այս մասին հայտնում է RT-ն:

Ինչպես հայտնել է Մարդու իրավունքների պաշտպանության միջազգային կոմիտեի ռուսական ստորաբաժանման փոխնախագահ Իվան Մելնիկովը՝ Անթալիայի քաղաքային դատարանում բողոքը բավարարվել է։ Որպես խափանման միջոց ընտրված կալանքը վերացվել է, կայացվել է խափանման այլ միջոց։ Միաժամանակ նա չի հստակեցրել, թե ինչ միջոցի մասին է խոսքը։

Նրա խոսքով, զբոսաշրջիկներին հնարավոր է եղել ազատել ՌԴ ԱԳՆ-ի, իրավապաշտպանների և հասարակության ջանքերի շնորհիվ։