Քերոբյանն ԱԺ-ում առաջարկում է կրճատել Ամանորի ոչ աշխատանքային օրերը

ԱԺ-ում քննարկվում է «ՀՀ տոների և հիշատակի օրերի մասին» օրենքում փոփոխություններ կատարելու մասին օրինագիծը։

Նշենք, որ նախագծով առաջարկվում է ոչ աշխատանքային համարել միայն դեկտեմբերի 31-ը, հունվարի 1-ը և հունվարի 6-ը։
Նախագիծը ներկայացրեց ՀՀ էկոնոմիկայի նախարար Վահան Քերոբյանը, որը սկսեց այն պատմությունից, թե ինչպես է մեկ տարի առաջ եղբայրների հետ մասնակցել 44-օրյա պատերազմին։ Նախարարը նկարագրեց, թե որքան անպատրաստ էր մեր երկիրն ու ազգն այդ պատերազմին, և մի քանի մեջբերում արեց այն գրքից, որն այդ ժամանակ իր մոտ է եղել։

«Մեր ներկայացրած նախագիծը զուտ տեխնիկական կամ տնտեսական չէ։ Այն քաղաքակրթական նախագիծ է։ Չինական ասացվածք կա, ասում է՝ չկա մեկը, որ տարվա մեջ 360 օր անցնում է աշխատանքի արևածագից առաջ և չի դարձնում իր ընտանիքը հարուստ։ Պետք է աշխատանքի անցնենք»,-եզրափակեց Վահան Քերոբյանը։